இறந்துபோன நகரத்தில்
சுற்றிக் கொண்டிருக்கிறேன்
மரண வாசனை
நின்றபாடில்லை
நீ எப்போது
இறந்து போவாய்
காலடியில் தட்டுப்பட்ட
ஒரு உடல் கேட்கிறது
நடுங்கச் செய்கின்றன
சாவின் பிம்பங்கள்
முடியாத அழுகுரல்களும்
தோள் வந்து அமரும்
பச்சைக்கிளி புன்னகைத்து
ஓடிப் போனது
எல்லோரும்
இறந்துபோன நகரத்திலிருந்து
வெளியேறிக் கொண்டிருந்தேன்
மரணத்தைப்
போட்டு விட்டு
2 comments:
இறந்து போனவர்களின் நகரத்தில் இருந்து அவர்கள் கனவுகளையும் சேர்த்து நனவாக்க நம்பிக்கை துளிர் விட்டு வீரியமாக வெளி வரும் நண்பனுக்கு என் வாழ்த்துக்கள்..
உங்கள் வரிகள் வள்ளுவனை நினைவுக்கு கொண்டு வந்தன..
இடும்பைக் கிடும்பை படுப்பர்
இடும்பைக் கிடும்பை படாதவர்
சுபஸ்ரீ
உங்கள் தொடர்ந்த வருகைக்கும்
கருத்துக்களுக்கும் நன்றி.
Post a Comment