Sunday, January 27, 2013

தொட முடியாத தூரத்திற்கு


நீ நட்சத்திரம் என்றேன்
குழந்தையை

தொடுங்கள் பார்க்கலாம்
எனச் சொல்லியபடியே
ஓடுகிறாள்
தொட முடியாத
தூரத்திற்கு

ஏணி


குழந்தை வரைந்த ஏணியில்
கடவுள் இறங்கி வந்தார்
குழந்தைக்கு
ஒரு முத்தம் வைத்துவிட்டு
மறைந்து விட்டார்

Sunday, January 6, 2013

கண்களில்


உன்னைக் கண்களில்
எடுத்துக்கொண்டு திரும்புகிறேன்
மறு முறை
சந்திக்கும் வரை
நீ தீர்ந்து போகாமல்
இருக்க வேண்டும்