1-
நூல் பிடித்தது போல்
உன்னால்
பேசிவிட முடிகிறது
எனக்குத்தான்
பட்டம் போல்
அலைபாய்கிறது
2-
என் தனிமைக்கு
உன் நினைவுகள் போதும்
எனக்கு
எந்த மது போதாது
3-
போகச் சொல்கிறாய்
வழி
நீளமாகி விட்டது
4-
உனக்குத் தரப்போகும்
முத்தத்தை வெட்கத்தால்
வரைந்து பார்க்கிறேன்
5-
கால் நனைக்கும்
அலை போல
உன் மனம் நனைக்கும்
என் பிரியம்
6-
கடலை ஒரு துளியாக்கி
அதை உன் கண்ணில்
ததும்பச் செய்கிறாய்
2 comments:
அனைத்தையும் ரசித்தேன் ஐயா... 4, 6 மிகவும் கவர்ந்தது...
வணக்ம்
கவிதை அருமையாக உள்ளது ரசித்தேன்...
வாழ்த்துக்கள்
-நன்றி-
-அன்புடன்-
-ரூபன்-
Post a Comment