பென்சில் நதி

Thursday, January 29, 2009

புகார் புத்தகமாகி இருக்கிறது
என் நாட்குறிப்பேடு
தாள்கள் தீர்வதற்குள்
எல்லோரும்
விசாரித்து முடிக்க வேண்டும்
என்னை

தன்னைக் கொன்றவன்
கனவில் வந்து
இனப்பெருக்கம் செய்கிறது பூனை

இசை படிந்த
உன் கண்களில் இருக்கிறது
எனக்கான பாடல்

இருந்து
விளையாடு
காய் நகர்த்தும் காலம்

நாம் பேசிய பிறகும்
பேச வேண்டும்
இதுதானே உன்
கண்களின் கோரிக்கை

ஊதி ஊதி நீ
பெரிசாக்கிய காதல்
நீர் பந்து ஆச்சி
ஓடி ஓடி
அது காற்றில்
உடைந்தேதான் போச்சி

பேசி முடித்துப் போனார்கள்
எல்லோரும்
ஒலிப்பெருக்கியில்
ஊர்ந்து கொண்டிருந்தது
மெளனம்