Wednesday, August 6, 2014

வண்ணங்களின் நதி

உன் கண்களில் 
வண்ணங்களின் நதி
அதில் மிதந்து போகும் 
ஓவியங்களில் ஒன்றை  
எடுத்துக்கொள்ளப் பார்க்கிறேன்

உன் பார்வை

என் மேல்
விழுகிறது
உன் பார்வை
நீ எடுத்துக் கொள்ளாமல்
போகிறாய்
நான் எடுத்துக் கொண்டு
போகிறேன் 

Tuesday, August 5, 2014

ரகசிய மலர்

நீ என் அந்தரங்கத்தின்
ரகசிய மலர்
எனக்கே தெரியாமல்
பூக்கிறாய்
உதிர்கிறாய்

Monday, August 4, 2014

சுழன்று சுழன்று

சுழன்று சுழன்று
இசைத்தட்டாகிறேன்
நீ இசையாகிறாய்

Saturday, August 2, 2014

தருவாயா

உன் நெற்றிப் பொட்டில்
ஒட்டி இருக்கிறது
கவிதையின் ஒரு சொல்
எழுதி முடிக்க
எடுத்துத் தருவாயா

மேலும் அழகாக

நீ வெட்கத்தால் அழகை
சரி செய்துகொள்ளும்
பெண் என்றேன்
சிரித்தாய்
மேலும் அழகாக