இருந்து
விளையாடு
காய் நகர்த்தும் காலம்

கண்களின் கோரிக்கை

நாம் பேசிய பிறகும்
பேச வேண்டும்
இதுதானே உன்
கண்களின் கோரிக்கை

ஊதி ஊதி

ஊதி ஊதி நீ
பெரிசாக்கிய காதல்
நீர் பந்து ஆச்சி
ஓடி ஓடி
அது காற்றில்
உடைந்தேதான் போச்சி

ஒலிப்பெருக்கி

பேசி முடித்துப் போனார்கள்
எல்லோரும்
ஒலிப்பெருக்கியில்
ஊர்ந்து கொண்டிருந்தது
மெளனம்

மீசை

அம்மாவுக்கு பெரிய மீசை
குழந்தை கிறுக்கிய
புகைப்படத்தில்

...பிய்த்தெறி

உன் கண்களில் இருக்கும்
காதலை பிய்த்தெறி
போய் விடுகிறேன்

இரு

என்னவும் செய்
செய்வதில் நீ இரு

இருக்கிறது

எல்லாமே இருக்கிறது
நீ இல்லாமல்
போய் விடாதே

இடம்

ஏறக்குறைய
இன்னொரு இடத்தையும்
ஆக்கிரமித்து
பயணம் செய்கிறீர்கள்
நிற்பவர்
தன் புன்னகையால்
உங்களைத்
தண்டித்துக்கொண்டிருப்பது
தெரியாமல்

நடை

காலை நடையில்
வணக்கம் சொல்லி
மறைந்து போனது
ஒரு நண்டு