பென்சில் நதி

Monday, December 22, 2008

இருந்து
விளையாடு
காய் நகர்த்தும் காலம்

நாம் பேசிய பிறகும்
பேச வேண்டும்
இதுதானே உன்
கண்களின் கோரிக்கை

ஊதி ஊதி நீ
பெரிசாக்கிய காதல்
நீர் பந்து ஆச்சி
ஓடி ஓடி
அது காற்றில்
உடைந்தேதான் போச்சி

பேசி முடித்துப் போனார்கள்
எல்லோரும்
ஒலிப்பெருக்கியில்
ஊர்ந்து கொண்டிருந்தது
மெளனம்

அம்மாவுக்கு பெரிய மீசை
குழந்தை கிறுக்கிய
புகைப்படத்தில்

உன் கண்களில் இருக்கும்
காதலை பிய்த்தெறி
போய் விடுகிறேன்

என்னவும் செய்
செய்வதில் நீ இரு