நம்மை பார்த்து பெய்கிறது மழை

வெட்கத்துடன்
நான் தந்த முத்தத்தை
வாங்கிக் கொண்டாய்

தயக்கத்துடன்
நீ தந்த முத்தத்தை
பெற்றுக் கொண்டேன்

மயக்கத்துடன்
நம்மை பார்த்து
பெய்கிறது மழை

ஒரு சொல்

உன் மெளனத்தை 

செதுக்கி செதுக்கி 

கண்டேன் 

காதலெனும் 

ஒரு சொல்

கால் சலங்கை

கனவில் 

கால் சலங்கையைக் 

கட்டிவிட்டுப் போயிருக்கிறாய்

குதித்து குதித்து 

ஆடிக்கொண்டிருக்கிறது

வசீகரம்

உன் சின்னஞ்சிறு பெயரை 

இசை போல் 

உச்சரிக்கும் போது 

அதற்கு ஒரு 

வாக்கியத்தின் வசீகரம் 

வந்து விடுகிறது

வெட்கத்தால் வரைந்து பார்க்கிறேன்

1-

நூல் பிடித்தது போல் 

உன்னால் 

பேசிவிட முடிகிறது

எனக்குத்தான் 

பட்டம் போல் 

அலைபாய்கிறது

2-

என் தனிமைக்கு 

உன் நினைவுகள் போதும் 

எனக்கு 

எந்த மது போதாது 

3-

போகச் சொல்கிறாய்

வழி 

நீளமாகி விட்டது

4-

உனக்குத் தரப்போகும் 

முத்தத்தை வெட்கத்தால் 

வரைந்து பார்க்கிறேன்

5-

கால் நனைக்கும் 

அலை போல 

உன் மனம் நனைக்கும் 

என் பிரியம்

6-

கடலை ஒரு துளியாக்கி 

அதை உன் கண்ணில் 

ததும்பச் செய்கிறாய்

சொற்கள் இல்லை

உள் புதைந்த 

மெளனம் 

ஓராயிரம் கதை 

வைத்திருக்கும் 

அதைச் சொல்ல 

சொற்கள் இல்லை 

என்னிடம்

சொல்

நீ என்னிலிருந்து 

வெட்டி எடுக்கும் 

சொற்களிலிருந்து 

கசிவது

குருதியா 

காதலா 

நானா 

சொல்