விளிம்பில்

உன் எதிர்பார்ப்பையும் 

என்னால்

பூர்த்தி செய்ய முடியவில்லை 

என் எதிர்பார்ப்பையும் 

என்னால் 

பூர்த்தி செய்ய முடியவில்லை 

ஆனாலும் 

விளிம்பில் நின்று 

பேசிக் கொண்டிருந்தோம்

குதித்து விடாமல்

உனக்கும் கேட்கும்

அன்பால் அடைந்து விடலாம் 

என்று யாரோ 

எழுதிவிட்டுப் போன வரியை 

உரக்கப் படிக்கிறேன்

உனக்கும் கேட்கும் என 

விடாமல் பெய்யும் கனவு

விட்டு விட்டுப்
பெய்யும் மழை
விடாமல்
பெய்யும் கனவு
இந்த உன்
குறுஞ்செய்தியில்
நீ
மழையாய்
கனவாய்
நானாய் 

யாருக்கும் தெரியாமல்

யாருக்கும் தெரியாமல் 

உன் இருக்கைக்கு 

நான் வைத்து விட்டு 

வந்த முத்தம் 

உன்னோடு 

பயணம் செய்யக் கூடும் 

நான் கடலாகிறேன்

உள்ளங்கையில் 

முத்தம் வைக்கிறாய் 

அது கப்பலென 

நகர்கிறது 

நான் கடலாகிறேன்

யாரோ நீ

யாரோ நீ
சூரியன் இறங்கும்
வெளியில்
தொலைவில்
நடந்து போகிறாய்
என் மனதில் அழுத்தமாய்
பதிந்து போயிருக்கின்றன
உன் சுவடுகள் 

ஏதேனும் ஒரு வரியில்

ஏதேனும் ஒரு வரியில் 

உன்னை 

சந்தித்து விடுவேன் 

ஏதேனும் ஒரு வழியில்  

முடியாமல் போனாலும்