விடாமல் பெய்யும் கனவு

விட்டு விட்டுப்
பெய்யும் மழை
விடாமல்
பெய்யும் கனவு
இந்த உன்
குறுஞ்செய்தியில்
நீ
மழையாய்
கனவாய்
நானாய் 

யாருக்கும் தெரியாமல்

யாருக்கும் தெரியாமல் 

உன் இருக்கைக்கு 

நான் வைத்து விட்டு 

வந்த முத்தம் 

உன்னோடு 

பயணம் செய்யக் கூடும் 

நான் கடலாகிறேன்

உள்ளங்கையில் 

முத்தம் வைக்கிறாய் 

அது கப்பலென 

நகர்கிறது 

நான் கடலாகிறேன்

யாரோ நீ

யாரோ நீ
சூரியன் இறங்கும்
வெளியில்
தொலைவில்
நடந்து போகிறாய்
என் மனதில் அழுத்தமாய்
பதிந்து போயிருக்கின்றன
உன் சுவடுகள் 

ஏதேனும் ஒரு வரியில்

ஏதேனும் ஒரு வரியில் 

உன்னை 

சந்தித்து விடுவேன் 

ஏதேனும் ஒரு வழியில்  

முடியாமல் போனாலும் 

மெளனத்தைக் குழைத்தபடி

தனிமையை நானும் 

என்னைத் தனிமையும் 

வரைந்து கொண்டிருக்கிறோம் 

வண்ணங்களாய் 

மெளனத்தைக் குழைத்தபடி

கடந்து விடுவேன்

மெல்ல நினைவுகளிலிருந்து 

நீ வடிந்து விடுவாய் 

நான் இந்த மழையைக் 

கடந்து விடுவேன்