குழந்தை

எழுதவுமில்லை 

வரையவுமில்லை 

பென்சிலோடு 

விளையாடும் 

குழந்தை

கண்ணீரில்

உன் கண்ணீரில் 

வானவில் ஒளிர்கிறது 

என்கிறேன்

புன்னகைக்கிறாய்

தனிமையின் மேல்

இந்த தனிமையின் மேல் 

நீ அன்பு நீரூற்றிப் 

போனச் செடி 

வளர்ந்து கொண்டிருக்கிறது

கனவில் வந்த பழம்

கனவில் வந்த பழம்
ஆப்பிள் என்று
தெரிந்து கொண்ட போது
அதை உண்ட சந்தோஷம்
கொண்டாள் குழந்தை

இரண்டிலும்

அடுக்கி வைக்கிறாள் 

கலைத்துப் போடுகிறாள் 

குழந்தை 

இரண்டிலும் 

அழகிருக்கிறது

தேடுதல்

என் தேடுதலின் அடியில்
நீ ஊர்ந்து கொண்டிருக்கிறாய்
மண்புழு என

மணல்துகள்

நீ அகல்
உன்னால் ஒளிரும்
நான் மணல்துகள்