நான் ஏறாத
ரயிலிலிருந்து இறங்குகிறேன்
இறங்க வேண்டிய இடத்தில்

தாத்தாவின் செருப்புகளை
நனைக்கிறது மழை
தாத்தாவைத் தேடியபடி

கொன்றுபோட்ட மலைப்பாம்பு
நெளிந்து கொண்டிருந்தது
மரணத்தின் மேல்

தொப்பி விற்பவன்
தலையில் அணிந்து சொல்கிறான்
வெயிலை

ஒரு கோடி மெளனங்களோடு
நீ விடை பெறுகிறாய்
ஒரு சொட்டுக் கண்ணீரோடு
நான் திரும்புகிறேன்

பார்வைகள்

உன் முதலிரண்டு பார்வைகளை
இப்படி எழுதலாம்
போரும் அமைதியும்

அன்பு வரைந்த புள்ளி

அன்பு வரைந்த புள்ளியில்
நீ கவிதை எடுக்கிறாய்
நான் உன்னை
எடுக்கிறேன்